ஹைக்கூ..

மலர்ந்து புன்னகைக்கின்றன

விதானத்தில் பூத்த மல்லிகையாய்

வானத்து நட்சத்திரங்கள்

***************

பருத்திக் காடெங்கும்

நிலா பூத்தது போல்

வெடித்திருக்கிறது பஞ்சு.

***************

நிலா பூத்திருக்கிறது

காடெங்கும் இதழ் உதிர்தலாய்

வெடித்த பஞ்சு.

***************

அழைப்புக்கு மறுமொழியில்லை

எட்டுக்கட்டையில் வீறிட்டுக் கத்துகிறது

மின்சாரக் குருவி

***************

அஸ்திவாரம் பலமில்லை

அடியோடு சரிந்து விழுகிறது

பலவீனமான மனக்கோட்டை

***************

இடிந்து கிடக்கிறது

நெடுகப் பிரித்த நீள்சுவர்

பாராமுகமாய் சகோதரர்கள்

***************

கேட்டது கிடைக்கவில்லையாம்

நிமிர்ந்துநின்று அடம் பிடிக்கிறது

வௌவாலின் குழந்தை

***************

பிரம்மாண்டமாய் பயமுறுத்துகிறது

ஊர்ந்து செல்லும் முதலை

பல்லியின் நிழல்

***************

தொட்டால் மட்டுமல்ல

பார்த்தாலும் தூக்கியடிக்கும் மின்சாரம்

கட்டண அறிக்கைவழி.

***************

வெய்யில் விகசிக்கிறது

அலைவுறும் நீரில் தவழ்கின்றன

மின்னும் நிலாத்துண்டங்கள்.

***************