படமும் பாடலும் (10 )

சொன்னால் விலகுவாரும் சொக்கிச் சுவைப்பரே

இன்சுவையும் சூடும் இளநுரையும் நன்றாமே

பொன்நிகர் அப்பமுடன் பச்சி பகராதோ

மன்னுபுகழ் காபியின் மன்

உன்னதம் காணவென உள்ளத்தால் உள்ளியது

நன்முத்தும் பொன்னும் நிறைக்காது ஏங்கியது

நின்றாடும் ஆசையால் நெஞ்சமிங்கு தேடியது

இன்னொரு காபி இனிது.

****************************************************************

கள்ளத்தால் வாழும் கடும்பாவி யோர்வாழ்வு

உள்ளத்தில் நோயாய் உருப்பெறும் - உள்ளபடி

இன்னயம் பேசாதோர் இல்தவிர்த்துச் செல்தலுடன்

நன்னயம் நாடாமை நன்று.

*********************************************************************

பொன்னலரி சென்னியோன் பொற்கழல் சூடுதல் மன்னுயிர் ஓதிய மாண்பிங்கு இன்னபிற உன்னதம் ஈதென ஊரார் உவப்பதெலாம் என்னென காண்கிலேன் யான் 

*********************************************************************

இலைபழுத்து வீழும் நிலையெள்ளு வோர்முன் 

அலைபொலியும் தண்பூ தலையால் - மலைவேந்த

சீரற்றோர் தாழார் சிலநாளில் மேலெழுவார்

ஆரக்கால் அஃதே உலகு.